Артистхэм тын лъапIэхэр афигъэшъошагъэх

Поделиться материалом

Рубрика: Общество
Дата публикации:
Автор: Адыгея Сегодня

Адыгэ Республикэм и ЛIышъхьэу ТхьакIущынэ Аслъан АР-м и Лъэпкъ театрэ ыкIи Адыгеим и Къэралыгъо академическэ ансамблэу «Налмэсым» иартистхэм ащыщхэр тыгъуасэ ригъэблэгъагъэх, ахэм яIофшIэнкIэ къалэжьыгъэ тын лъапIэхэр аритыжьыгъэх.

Iофтхьабзэм хэлэжьагъэх Адыгеим культурэмкIэ иминистрэу Къулэ Мыхьамэт, республикэм итворческэ купхэм япащэхэр.

АР-м и ЛIышъхьэ ишIуфэс тхылъ фагъэшъошагъ УФ-м изаслуженнэ артистэу, Адыгеим инароднэ артистэу, республикэм и Лъэпкъ театрэ иактерэу, зиюбилей хэзыгъэунэфыкIыгъэ КIыкI Юрэ. Республикэм ипащэ зэлъашIэрэ артистым гущыIэ дэхабэ пигъохыгъ, гум къинэжьырэ ролэу ащ къышIыгъэхэм афэшI «тхьауегъэпсэу» риIуагъ.

АР-м и ЛIышъхьэ пэублэ псалъэ къышIызэ, илъэс 80 хъурэ гъогу къэзыкIугъэ ансамблэу «Налмэсым» иартистхэм къафэгушIуагъ. Ахэм яIофшIэн фыщытыкIэу фыряIэм, лъэпкъым зэрэфэлажьэхэрэм осэшхо фишIыгъ.

- Мы мафэхэм гущыIэ дэхабэ къышъупагъохыгъ, а зэкIэ шъуиIофшIэнкIэ, сэнаущыгъэу шъухэлъымкIэ къэжъулэжьыгъ. «Налмэсыр» зэрэтиIэм тырэгушхо, ащ зищыIэныгъэ гъогу езыпхыгъэ пстэуми шъхьэкIэфэныгъэ афэтэшIы. Республикэм, Урысыем ямызакъоу, IэкIыб къэралыгъохэми ансамблэр дэгъоу ащызэлъашIэ, ащ иконцертхэм цIыфхэр къяжэх. Тыдэ шъукIуагъэми, Адыгеим ыцIэ чыжьэу шъогъэIу, ищытхъу яшъогъаIо, ащкIэ инэу тышъуфэраз, - къыIуагъ ТхьакIущынэ Аслъан.

АР-м и ЛIышъхьэ иунашъокIэ щытхъуцIэхэр зыфагъэшъошагъэхэм нэужым афэгушIуагъэх, ахэм къалэжьыгъэхэр аратыжьыгъэх. Культурэмрэ искусствэмрэ алъэныкъокIэ гъэхъагъэхэр зэряIэм ыкIи илъэсыбэ хъугъэу Iоф зэрашIэрэм афэшI щытхъуцIэу «Адыгэ Республикэм инароднэ артист» зыфиIорэр афагъэшъошагъ ветеранэу Алыбэрд Адам, ансамблэм иоркестрэ иартистэу Iэшъынэ Нэфсэт, артистэу Бахъукъо Адам, АР-м культурэмкIэ икъэралыгъо бюджет учреждениеу «АР-м лъэпкъ культурэмкIэ и Гупчэ» идиректорэу Къулэ Амэрбый, адыгэ къашъомкIэ кIэлэцIыкIу ансамблэу «Мыекъуапэ инэфылъэхэр» зыфиIорэм ипащэу Нэныжъ Айдэмыр, ансамблэм иадминистраторэу Хъоджэе Марзыет, «Налмэсым» ихудожественнэ пащэу Хъоджэе Аслъан, балетым иартистэу Хьакъуй Анжеликэ. ЩытхъуцIэу «Адыгеим изаслуженнэ артист» зыфиIорэр къалэжьыгъ ансамблэм ибалет иартистхэу АкIэгъу Муратрэ Бэрзэдж Дианэрэ, ветеранэу КIэмэщ Заурбый. АР-м и ЛIышъхьэ ирэзэныгъэ тхылъ фагъэшъошагъ ансамблэу «Налмэсым» идиректорэу Бастэ Азмэт.

Артистхэр АР-м и ЛIышъхьэ къыфэрэзагъэх, республикэм ипащэ IэпыIэгъу къазэрэфэхъурэм агу къызэрэдищаерэр, тапэкIи яIофшIэн къыщамыгъакIэу лъэпкъым, республикэм ящытхъу арагъэIоным зэрэпылъыщтхэр къаIуагъ.- Шъощ фэдэ цIыфхэр тиIэхэмэ, республикэм иэкономикэ хэхъоныгъэхэр ышIыщтых, ыпэкIэ лъыкIотэщт. Тызэгъусэхэу Iоф тшIэщт, нахьышIум тыфэкIощт, - къыIуагъ кIэухым ТхьакIущынэ Аслъан.

АР-м и ЛIышъхьэ и пресс-къулыкъу.

 

 

Комментарии

comments powered by HyperComments

Общество

Общество

Спасатели будут дежурить во время Крещенских купаний

Возле купелей оборудуют пункты обогрева

18.01.2017 17:37

Общество

Галерею дорожной безопасности нарисовали на стене

Картины появились на школьном заборе в Тульском

18.01.2017 17:15

Общество

На строительство диагностического центра направят 248 млн рублей

Стоимость оборудования составит 300 млн рублей

18.01.2017 14:27


Новости

Общество

Спасатели будут дежурить во время Крещенских купаний

Возле купелей оборудуют пункты обогрева

18.01.2017 17:37

Общество

Галерею дорожной безопасности нарисовали на стене

Картины появились на школьном заборе в Тульском

18.01.2017 17:15

Интересно

Ягодный тис прижился в Кавказском заповеднике

Распространение этого растения крайне редко в дикой природе

18.01.2017 17:00


Статьи

Экономика

Банк стал жертвой слухов?

Почему взволнованы вкладчики банка «Новация»

17.01.2017 12:44

Туризм

Как обезопасить отдых в горах

Специалисты дают несколько важных советов

17.01.2017 10:11

Общество

Что ждёт Америку после возврата к золоту?

Запасы Форт-Нокса на 90% принадлежат Ротшильдам

15.01.2017 10:39


Фоторепортажи