Майкоп 11 декабря, 00:00:00 3 °C

Курс ЦБ РФ на 11.12: 63.58 70.39

Адыгеим и ЛIышъхь: «Урысые Федерацием и Президент къыгъэнэфэгъэ пшъэрылъхэр чIыпIэхэм ащыгъэцэкIэгъэным мэхьанэшхо иI»

Экономика
Автор: Адыгея Сегодня

Урысые Федерацием и Президентэу Владимир Путиныр Петербург щыкIогъэ дунэе экономическэ форумым ипленарнэ зэхэсыгъо тыгъуасэ къыщыгущыIагъ. Адыгеим и ЛIышъхьэу КъумпIыл Мурат форумым исессие хэлэжьагъ.

Владимир Путиным зэхэсыгъор къызэIуихызэ, къэралыгъохэм, правительствэхэм япащэхэм, Петербург щыкIорэ дунэе экономическэ форумым хэлажьэхэрэм шIуфэс къарихыгъ, Урысыем дэгъоу къызэрэфыщытхэм, зэдэлэжьэныгъэ къыдыряIэным зэрэфэхьазырхэм апае зэрафэразэр ариIуагъ.

Дунэе политикэмкIэ, хэгъэгум социальнэ-экономикэ хэхъоныгъэ ышIынымкIэ Урысыем непэ ыпашъхьэ пшъэрылъышхоу итхэм Урысые Федерацием и Президент къащыуцугъ. Владимир Путиныр игъэкIотыгъэу программэхэмрэ стратегиехэмрэ къатегущыIагъ. Анахьэу ахэр зытегъэпсыхьагъэхэр промышленнэ, технологическэ хэхъоныгъэ шIыгъэныр, щынэгъончъагъэ щыIэныр, цIыфхэм ящыIэкIэ-псэукIэ зыкъегъэIэтыгъэныр, бизнесым зегъэушъомбгъугъэныр ары. Ахэм къапкъырыкIхэзэ лъэпкъ проектхэр зэрэзэхагъэуцуагъэр къэралыгъом ипащэ къыхигъэщыгъ.

ПолитикэмкIэ Урысыем къыпэуцужьыхэу кIуачIэкIэ ежьхэм яеплъыкIэхэр языгъаштэ зышIоигъохэм гупшысакIэу яIэм Урысые Федерацием и Президент къытегущыIагъ. Мы лъэныкъомкIэ тихэгъэгу екIолIакIэу иIагъэр зэрэзэмыхъокIыгъэр Президентым хигъэунэфыкIыгъ. Ащ фэдэ еплъыкIэр зыфэкIожьырэр политикэ шъхьэихыгъэ зехьэгъэныр, лъэпкъ, политикэ зэфыщытыкIэхэр нахьышIу шIыгъэнхэр, хэхъоныгъэ ашIынымкIэ шъолъырхэм зэфэдэ амалхэр ягъэгъотыгъэнхэр ары. ОпытышIоу, проект дэгъоу щыIэхэм афэгъэхьыгъэ къэбархэр аугъоинэу Владимир Путиным игъо афилъэгъугъ ыкIи ащкIэ къадырагъэштэнэу нэмыкI хэгъэгухэми, дунэе организациехэми къяджагъ.

«Экономикэм ылъэныкъокIэ гъэхъэгъэ шIукIаехэр тиIэх. 2011 – 2017-рэ илъэсхэм гурытымкIэ илъэс къэс проценти 2,8-кIэ экономикэм хэхъоныгъэ ышIыгъ. Мы аужырэ илъэсхэм проценти 3-м ехъукIэ ащ зыкъиIэтыгъ. Сэ сызэреплъырэмкIэ, къэралыгъохэм япащэхэри, тэри теуцолIэжьын фае экономикэм хэхъоныгъэ зэришIырэм емылъытыгъэу, гухэкI нахь мышIэми, экономическэ зэфыщытыкIэхэмкIэ кризисым тызэрэхэтым. Мы аужырэ илъэсипшIым къыкIоцI Iофыгъохэр бэу мыщ щызэтырихьагъэх. ЫпэкIэ къызэрэтшIошIыщтыгъэм нахьи Iофыгъохэр бэкIэ нахь иных», — хигъэунэфыкIыгъ Урысые Федерацием и Президент.

«Амалэу сиIэр къызфэзгъэфедэзэ, шъолъырхэм япащэхэм, Президентым и Полномочнэ лIыкIохэу федеральнэ шъолъырхэм ащыIэхэм сялъэIу лъэпкъ проектхэмрэ нэмыкI проектхэмрэ унэе капиталхэр ахэлъхьэгъэнхэмкIэ Iофэу ашIэрэр агъэлъэшынэу. ИнвестициехэмкIэ Урысые фондым иамалхэмрэ уахътэм диштэрэ нэмыкI амалхэмрэ мыщкIэ къызфагъэфедэн фае», — къыIуагъ Владимир Путиным.

Петербург щыIэгъэ дунэе экономическэ форумым ипленарнэ зэхэсыгъо икIэуххэм къатегущыIэзэ, Адыгеим и ЛIышъхьэ хэгъэгум и Президентэу Владимир Путиныр зылъыIэсыгъэ Iофыгъохэм мэхьанэшхо зэряIэр, пшъэрылъэу ащ къыгъэуцугъэхэм ягъэцэкIэн шъолъырхэм акIуачIэ зэрэзэдырахьылIэн фаер къыхигъэщыгъ.

«Урысые Федерацием и Президентэу Владимир Путиныр пленарнэ сессием къыщыгущыIэ зэхъум анахьэу къызыщыуцугъэр цIыфхэм ящыIэкIэ-псэукIэ зыкъегъэIэтыгъэныр ары. А лъэныкъор ары тэри анахьэу тынаIэ зытедгъэтын фаер. Лъэныкъо пстэури къыдэтлъытэзэ, тиIофшIэн зэхэтщэн фае. Кадрэ, интеллектуальнэ амалхэм зыкъягъэIэтыгъэным, IофшIэпIэ чIыпIакIэхэр зэхэщэгъэнхэм, республикэм нахьыбэу инвестициехэр къыхалъхьанхэм, бизнесыр шъхьэихыгъэу зэхэщэгъэным, социальнэ пшъэрылъхэм ягъэцэкIэн, хабзэм икъутэмэ пстэуми аштэрэ унашъохэр шIуагъэ къытэу агъэцэкIэнхэм нахь икъоу тадэлэжьэн фае. Къэралыгъом ипащэ къыгъэнэфэгъэ пшъэрылъхэм язэшIохынкIэ республикэми, нэмыкI шъолъырхэми опытэу яIэр къызфэдгъэфедэщт», — къыIуагъ КъумпIыл Мурат.

Экономика

Экономика

Бизнес Адыгеи закредитовался в банках почти на 19 миллиардов рублей

Самые большие кредиты у предприятий сферы обработки

22.11.2019 12:38

Экономика

Индекс промпроизводства в Адыгее с начала 2019 года составил 103%

Заметно выросло производство сухих строительных смесей

20.11.2019 15:10

Экономика

Компании из Адыгеи побывали в Иордании в рамках деловой миссии

Бизнес-сообщества выразили готовность к сотрудничеству

20.11.2019 12:58

Экономика

В Адыгее самое большое число вакансий приходится на госуправление

Много вакансйй в здравоохранении и соцсфере

20.11.2019 10:00

Новости

Сельское хозяйство

В Адыгее в промышленных масштабах будут выращивать фундук

Площади ореховых садов планируют значительно увеличить

11.12.2019 08:16

Общество

Первый этап командно-штабных учений стартовал 10 декабря в Адыгее

Участники тренируются в защите населения от чрезвычайных ситуаций

10.12.2019 17:00

Интересно

Местное самоуправление Майкопа отчитывается перед жителями

Во встречах принимают участие представители мэрии

10.12.2019 16:34

Происшествия

На трассе в Кошехабльском районе насмерть сбили 87-летнюю женщину

Полиция проверяет обстоятельства смертельного ДТП

10.12.2019 15:46

Статьи

Интересно

Судебный пристав из Адыгеи стала одним из лучших профессионалов в России

В свободное время Мадина Пхешхова увлекается стихами

03.12.2019 15:09

Интересно

С родителями о наболевшем. 20 тысяч бесплатных консультаций проведет центр «Планета»

В Адыгее появилась консультативная служба для родителей

15.10.2019 15:30

Интересно

Грибникам на заметку. Что необходимо знать, направляясь в лес?

В плохую погоду поход за грибами лучше отложить

11.10.2019 13:36

Интересно

Актриса Нацтеатра Адыгеи Асиет Вайкок рассказала, чего не хватает современным женщинам

Что нужно для того, чтобы выиграть конкурс красоты

06.09.2019 12:06

Фоторепортажи

Интересно

Фоторепортаж с Х фестиваля адыгейского сыра

Майкопский район, 21 сентября

23.09.2019 14:41

Интересно

Фоторепортаж с празднования 50-летия города Адыгейска

Адыгейску-50!

16.09.2019 12:20

Интересно

Фоторепортаж с празднования Дня Майкопа

День города 2019

09.09.2019 13:24

Интересно

Фоторепортаж с молодежного форума "Фишт-2019"

В Адыгее завершился третий молодежный слет

26.08.2019 15:13